نبذه من الشاعر حمدان المري قصيدة الريتز

هـــآي



آخبــــــــآركم




اليوم جبت لكم نبذه من الشاعر حمدان المري قصيدة الريتز:



قصيدة الريتز:




يالله دخيلك من الضيقات والحكره
إلى أنكسر خاطر الغالي ولا جبّر
لاضاق صدر الحزين وشاف مايكره
لا أحتال يصبر على الضيقه ولا صبّر
ياللي غلاك بضميري عام محتكره
ماهوب ينقاس ولو ينقاس ما شبّر
عليك مشروهي اللي مالك بذكره
من وين . . والا شقول . . وكيف بعبّر
عطيت وجهي زماني بس من مكره
يقبل بشره عليّ وخيره مدبّر
ياليت بكره درا باللي بعد بكره
كان أحتملنا الزمن لو جوه مغبّر
الحمد لله على فضله ومن شكره
كلما عسرني الزمان أدعيه وأكبّر
(يالأمبراطور) مابه شي نفتكره
الا مساء الأربعاء وحمدان ما خبّر
ذا فندق الريتز وذا الكورنيش والوكره
تشهد على ضيقة اللي راح ما عبّر
لا صار ما أنت بكفو للحب لا تكره
من يصغر بعين خلق الله ما كبّر
أرحل لو أن الرحيل أعظم من السكره
بقزر اللي بقى من الوقت وأعبّر
أبعد وأنا ببتعد لكن على فكره
محبتي لك تواضع وأنت متكبّر
الحر إلى من جزع ثم طار من وكره
وا لله مايلتفت ما دامه مدبر



ان شاء الله ان الموضوع نال اعجابكم ولا تنسوا الردود